ޔޫ.އާރު.އޭގެ ތަޢާރުފު
ޤާނޫނު ނަންބަރު 2020/26 (ޔުޓިލިޓީ ރެގިއުލޭޓަރީ އޮތޯރިޓީގެ ޤާނޫނު)ގެ 3 ވަނަ މާއްދާގެ (ހ)ގެ ދަށުން ރައީސުލްޖުމްހޫރިއްޔާ، ޔުޓިލިޓީ ރެގިއުލޭޓަރީ އޮތޯރިޓީ ޤާއިމުކުރައްވާފައިވަނީ 13 ޑިސެމްބަރ 2020 ގައެވެ. އޮތޯރިޓީ ޤާއިމުކުރެއްވީ، މިނިސްޓްރީ އޮފް އެންވަޔަރަންމަންޓްގެ ދަށުން ހިންގަމުންދާ އިދާރާއެއްގެ ގޮތުގައެވެ. ޔުޓިލިޓީ ރެގިއުލޭޓަރީ އޮތޯރިޓީ އުފެއްދެވީ، އާންމު ބޭނުންތަކުގެ ޚިދުމަތް (ފެނާއި، ނަރުދަމާއާއި، ކަރަންޓާއި، ކުނި މެނޭޖްކުރުމުގެ ޚިދުމަތް) ދިނުމާ ގުޅޭ އެންމެހައި ކަންކަން ރާވައި ހިންގާނެ އުސޫލުތައް ކަނޑައެޅުމަށާއި، އެ ޤާނޫނު ތަންފީޛުކުރުމަށް ކުރަންޖެހޭ އެންމެހައި ކަންކަން ކުރުމަށެވެ.
އަމާޒު
އަޅުގަނޑުމެން މިތިބީ، އެންމެހާ ފަރުދުންނަށް ދެމެހެއްޓެނިވި ގޮތެއްގައި ހަމަހަމަކަމާއެކު ފެންވަރު ރަނގަޅު ޚިދުމަތްތައް ފޯރުކޮށްދޭކަން ކަށަވަރުކުރުމުގައެވެ.
ތަޞައްވުރު
”ޚިދުމަތްތައް އެންމެނަށް“
އަޅުގަނޑުމެންގެ ސިފަތައް
● އެންމެނަށް ދޭ ޚިދުމަތްތައް އަތްފޯރާފަށަށް ގެނައުން
● އެންމެންނަށް ދޭ ޚިދުމަތްތައް އީޖާދީ ވިސްނުންތެރި ޚިދުމަތްތަކަށް ހެދުން
● އެންމެންނަށް ދޭ ޚިދުމަތްތަކުގެ ފެންވަރު ކަށަވަރު ކުރުން
● އެންމެންނަށް ޚިދުމަތްތައް ދިނުމުގައި ހަމަހަމަކަން ޤާއިމުކުރުން
● އެންމެންނަށް ބަރޯސާވެވޭ ޚިދުމަތްތަކެއް ކަން ކަށަވަރު ކުރުން
● އެންމެން ހިމެނޭހެން ހުރިހާ ޚިދުމަތްތައް ދިނުމަށް ބާރު އެޅުން
● އެންމެންނަށް ދެމެހެއްޓެނިވި ޚިދުމަތްތަކެއް ދެވޭކަން ކަށަވަރުކުރުން
● އެންމެނަށް ޚިދުމަތް ދިނުމުގައި ޒިންމާދާރު ކުރުވުން
● އެންމެނަށް ދެވޭ ޚިދުމަތްތައް މިންގަނޑަށް ފެއްތުން
● އެންމެނަށް ދެވޭ ޚިދުމަތްތަކުގެ ރައްކާތެރިކަން ކަށަވަރުކުރުން
ރެގިއުލޭޓަރީ ފަންކްޝަންސް
ހަކަތަ ދާއިރާގެ ގަވާއިދު
ކަރަންޓް އުފެއްދުމާއި، ޓްރާންސްމިޝަން، ޑިސްޓްރިބިއުޝަން، އަދި އިއާދަކުރަނިވި ހަކަތައިގެ މަސައްކަތްތައް ބެލެހެއްޓުން.
ފެނާއި ސާފުތާހިރުކަމުގެ ގަވާއިދު
މުޅި ރާއްޖޭގައި ރައްކާތެރި ފެން ފޯރުކޮށްދިނުމާއި ސާފުތާހިރުކަމުގެ ފައިދާހުރި ހިދުމަތްތައް ކަށަވަރުކުރުން.
ކުނި މެނޭޖްކުރުމުގެ ގަވާއިދު
ތިމާވެށި ހިމާޔަތްކުރުމަށްޓަކައި ކުނި އެއްކުރުމާއި، ނައްތާލުމާއި، ރީސައިކަލްކުރުމުގެ ހިދުމަތްތައް ރެގިއުލޭޓްކުރުން.
ޕެޓްރޯލިއަމް ދާއިރާގެ ގަވާއިދު
ޕެޓްރޯލިއަމް އިމްޕޯޓްކުރުމާއި، ރައްކާކުރުމާއި، ބެހުމުގެ، އަދި އަގު ކަނޑައެޅުމުގެ އުސޫލުތައް ބެލެހެއްޓުން.